ТӨРИЙН ЦАХИМ ҮЙЛЧИЛГЭЭНИЙ ХҮРТЭЭМЖИЙГ НЭМЭГДҮҮЛЭХЭД УЛСЫН БҮРТГЭЛИЙН ЕРӨНХИЙ ГАЗАРТАЙ ХАМТАРНА
Төрийн үйлчилгээний хүртээмжийг нэмэгдүүлж, шат дамжлагыг бууруулан хялбаршуулах зорилгоор өнөөдөр /2025.01.14/ Улсын бүртгэлийн ерөнхий газрын дарга У.Болдхүү, Мэдээллийн сүлжээ, техникийн хэлтсийн дарга Ш.Ариунболд, Мэдээллийн сан, программ хангамжийн хэлтсийн программист Ч.Дэлгэрбаяр нартай Төрийн цахим үйлчилгээний зохицуулалтын газрын удирдлагууд уулзлаа.
Тус уулзалтаар “ХУРДАН” киоск машины иргэдэд үзүүлж буй Улсын бүртгэлийн ерөнхий газрын үйлчилгээг нэмэгдүүлэх, тоон гарын үсгийн олголтыг эрчимжүүлэх, төрийн цахим үйлчилгээний 24/7 цэгт улсын бүртгэлийн киоск машиныг байршуулах, бүх нийтийн цахим ур чадварыг дээшлүүлэх сургалтад улсын бүртгэлтэй холбоотой агуулгыг тусгах зэрэг чиглэлд хамтран ажиллахаар санал солилцов
