Сумдын багийн Засаг дарга, нийгмийн ажилтнуудад Улсын бүртгэлийн байгууллагын үйл ажиллагааны чиглэлийг танилцуулсан сургалтыг 2025 оны 1 дүгээр сарын 20-ний өдөр зохион байгуулж орлоо.

Улсын бүртгэлийн ерөнхий газрын даргын албан үүргийг түр орлон гүйцэтгэгч У.Болдхүү, Хяналт шалгалтын газрын хяналтын улсын (ахлах) байцаагч нарын бүрэлдэхүүнтэйгээр Өмнөговь аймгийн Улсын бүртгэлийн хэлтсийн үйл ажиллагаатай танилцан, 2024 онд хийсэн төлөвлөгөөт шалгалтаар илэрсэн зөрчлийг бууруулах хүрээнд авч хэрэгжүүлсэн арга хэмжээ, улсын бүртгэл хөтлөхөд анхаарах асуудлын хүрээнд 2025 оны 01 дүгээр сарын 17-ны өдөр сургалт зохион байгууллаа. Сургалтаар Өмнөговь аймгийн Улсын бүртгэлийн хэлтсийн хяналтын улсын байцаагч, улсын (ахлах) бүртгэгч нарыг чадавхжуулах, улсын бүртгэлийн зөрчлөөс урьдчилан сэргийлэх, бүртгэлийн эрсдэлийг бууруулах зорилгоор шаардлагатай мэдлэг, ур чадвар, арга зүйг албан хаагчдад өгөх ач холбогдолтой сургалт боллоо.

Улсын бүртгэлийн ерөнхий газрын даргын албан үүргийг түр орлон гүйцэтгэгч У.Болдхүү, холбогдох албаны хүмүүс өнөөдөр (2025.01.17) Өмнөговь аймгийн ИТХ-ын дарга О.Эрдэнэ-Өрнөх, Засаг даргын орлогч Ж.Занабазар нартай уулзалт зохион байгууллаа. ✅Уулзалтаар хилийн боомттой аймгууд болон говийн бүсийн хэмжээнд хүн амын төвлөрөл ихтэй, улсын бүртгэлийн үйлчилгээний ачаалалтай аймгийн иргэдэд түргэн шуурхай үйлчилгээг хүргэх зорилгоор гадаад паспорт, иргэний үнэмлэх хэвлэх үйлдвэрийг Өмнөговь аймагт байгуулахаар урьдчилсан байдлаар харилцан тохиролцлоо. ✅Тус үйлдвэр бий болсноор иргэдийн цаг хугацааг хэмнэн, төрийн үйлчилгээний хүртээмж нэмэгдэх юм.

Зөөврийн тоног төхөөрөмж ашиглан улсын бүртгэлийн үйлчилгээг үзүүллээ. Говьсүмбэр аймгийн Нэгдсэн эмнэлэгт хэвтэн эмчлүүлж байгаа 2 иргэнд 2025 оны 01 дүгээр сарын 16-ний өдөр иргэний оршин суугаа хаягийн лавлагаа болон шилжилт хөдөлгөөний бүртгэлийг хийлээ.

Иргэн та өөрт шаардлагатай байгаа үйлчилгээний бүрдүүлэх материалын жагсаалттай дараах QR кодыг уншуулан танилцана уу.

Улсын бүртгэлийн байгууллагын төрийн жинхэнэ албан хаагчийн албан үүргийг түр орлон гүйцэтгэх албан хаагчдыг чиглүүлэх, дадлагажуулах сургалтыг 2025 оны 01 дүгээр сарын 06-ны өдрөөс 15-ны өдрүүдэд амжилттай зохион байгууллаа. Тус сургалтын зорилго нь: ✅Улсын бүртгэлийн болон бусад хууль, эрх зүйн мэдлэг олгох ✅Төрийн албан хаагчийн ёс зүйн хэм хэмжээг мөрдүүлэх ✅Албан үүргээ гүйцэтгэх нөхцөл боломжоор хангах зорилготой юм.

ТӨРИЙН ЦАХИМ ҮЙЛЧИЛГЭЭНИЙ ХҮРТЭЭМЖИЙГ НЭМЭГДҮҮЛЭХЭД УЛСЫН БҮРТГЭЛИЙН ЕРӨНХИЙ ГАЗАРТАЙ ХАМТАРНА

Иргэн та манай цахим хуудасны чатбот-оос үзүүлж буй үйлчилгээний бүрдүүлэх материалын жагсаалт болон бусад мэдээллийг 24/7 цагийн турш авах боломжтой.

Монгол Улсын Ерөнхийлөгчийн санаачилгаар хэрэгжүүлж буй “Эрүүл Монгол хүн” үндэсний хөдөлгөөнийг эрчимжүүлэх аянд тус хэлтсийн хамт олон нэгдлээ. Аж ахуйн нэгж байгууллагуудын хуваарийн дагуу 12 дугаар сарын 12-ний өглөө хэлтсийн албан хаагчид нэгэн өглөөг эрч хүч дүүрэн угтлаа. Тус аяны хүрээнд Биеийн жингийн индекс, биеийн ба бүсэлхийн өөхний хэмжээ, биен дэх ус, ажиллах чадвар, биологийн болон физиологийн нас тодорхойлох хэмжилтүүд хийгдэж уян хатан, цагариг эргүүлэх, софт волейбол, хөгжилтэй волейбол, сагсан бөмбөг, ширээний теннис роботтой тоглох, бадминтон, гар барилдаан, дартс зэрэг төрлөөр анхан шатны мэдлэг олгох үйл ажиллагаа явагдлаа.

Гоо зүй, ёс суртахуун төлөвшлийн боловсролын хүрээнд: Багш Г.Энхжин Говьсүмбэр аймгийн "Улсын бүртгэлийн хэлтэс"-ийн албан хаагчдад "Зөөлөн ба хатуу" сэдвээр сургалт зохион байгууллаа.