Монгол Улсын Ерөнхийлөгчийн санаачилгаар хэрэгжүүлж буй “Эрүүл Монгол хүн” үндэсний хөдөлгөөнийг эрчимжүүлэх аянд тус хэлтсийн хамт олон нэгдлээ. Аж ахуйн нэгж байгууллагуудын хуваарийн дагуу 12 дугаар сарын 12-ний өглөө хэлтсийн албан хаагчид нэгэн өглөөг эрч хүч дүүрэн угтлаа. Тус аяны хүрээнд Биеийн жингийн индекс, биеийн ба бүсэлхийн өөхний хэмжээ, биен дэх ус, ажиллах чадвар, биологийн болон физиологийн нас тодорхойлох хэмжилтүүд хийгдэж уян хатан, цагариг эргүүлэх, софт волейбол, хөгжилтэй волейбол, сагсан бөмбөг, ширээний теннис роботтой тоглох, бадминтон, гар барилдаан, дартс зэрэг төрлөөр анхан шатны мэдлэг олгох үйл ажиллагаа явагдлаа.

Гоо зүй, ёс суртахуун төлөвшлийн боловсролын хүрээнд: Багш Г.Энхжин Говьсүмбэр аймгийн "Улсын бүртгэлийн хэлтэс"-ийн албан хаагчдад "Зөөлөн ба хатуу" сэдвээр сургалт зохион байгууллаа.

"ЖЕНДЭРТ СУУРИЛСАН ХҮЧИРХИЙЛЭЛТЭЙ ТЭМЦЭХ 16 ХОНОГИЙН АЯН"-д хэлтсийн хамт олон ( Охид эмэгтэйчүүд хаана ч аюулгүй - Шалтаг бүү тооч ) уриан доор нэгдэж байна.

Үндэсний аюулгүй байдлыг хангах тусгай чиг үүрэгтэй байгууллагуудын удирдах ажилтны зөвлөгөөн боллоо.

Аймгийн Политехник коллежийн албан хаагчдад 2024 оны 11 дүгээр сарын 11-ний өдөр иргэний улсын бүртгэлийн чиглэлээр холбогдох мэдээллийг өгч, зөөврийн тоног төхөөрөмж ашиглан 12 албан хаагчдад тоон гарын үсэг олголоо.

Аймгийн "108 ОЙЛ ХХК"-ийн газрын тосны бүтээгдэхүүний агуулахын 20 ажилтанд 2024 оны 11 дүгээр сарын 13-ний өдөр иргэний улсын бүртгэлийн чиглэлээр холбогдох мэдээллийг өгч, зөөврийн тоног төхөөрөмж ашиглан 15 ажилтанд тоон гарын үсэг олголоо.

ЭРҮҮЛ БИЕД САРУУЛ УХААН ОРШИЖ, ИХИЙГ БҮТЭЭНЭ. Албан хаагчдынхаа эрүүл мэндэд анхаарч ачаалал багатай үед нь урьдчилан сэргийлэх үзлэг, шинжилгээнд хамруулан, шаардлагатай албан хаагчид өдрийн эмчилгээ болон хэвтэн эмчлүүллээ. Эрүүл мэндийн үйлчилгээг сэтгэл гарган үзүүлсэн Энхбилиг эмнэлэг -ийн хамт олонд талархлаа.

Аймгийн политехник коллежийн оюутан залууст Улсын бүртгэлийн байгууллагын үйл ажиллагааг сурталчлан мэдлэг, мэдээллийг өгч ажиллалаа.

Аймгийн "Ахмадын хороо”-ны 40 ахмад настанд 2024 оны 10 дугаар сарын 25-ний өдөр иргэн, эд хөрөнгийн эрхийн улсын бүртгэлийн чиглэлээр сургалт зохион байгуулж, зөөврийн тоног төхөөрөмжөөр бүртгэлийн үйлчилгээг үзүүллээ.

Хэлтсийн дотоод сургалтын төлөвлөгөөны хүрээнд 2024 оны 10 дугаар сарын 24-ний өдөр “Хүний эрх хамгаалагчийг хамгаалах механизмын үйл ажиллагаа", “Авлига, ашиг сонирхлын зөрчлөөс урьдчилан сэргийлэх нь", “Байгууллагын болон албан хаагчийн гүйцэтгэлийн төлөвлөгөө боловсруулах батлуулах, тайлагнах, үр дүнг үнэлэхэд анхаарах асуудал", “Хүн худалдаалах гэмт хэрэг гэж юу вэ?" гэсэн сэдвүүдээр Хүний эрхийн Үндэсний Комиссын Говьсүмбэр аймаг дахь референт Б.Наранбаатар, АЗДТГ-ын Хууль зүйн хэлтсийн мэргэжилтэн Э.Баянжаргал, АЗДТГ-ын Хяналт-шинжилгээ, үнэлгээний хэлтсийн дарга М.Анхбаяр, эд хөрөнгийн бүртгэгч З.Чагцалмаа нар албан хаагчдад тус тус зохион байгууллаа.